ჩვენს შესახებ
რამდენიმე წლის წინ ჩვენ დავტოვეთ ქალაქის ხმაური და გადმოვედით სოფელში, ჩვენი ოცნების ასრულებისთვის - დაგვეწყო საკუთარი ორგანული მეურნეობა.
ჩვენთვის ეს არ არის სამსახური, ეს ცხოვრების წესია და ღრმად გვწამს მისი მნიშვნელობის. გვიხარია, რომ საზოგადოება შემოგვიერთდა და 2023 წელს საქართველოში პირველად შევქმენით საზოგადოების მხარდაჭერილი აგრომეურნეობა.
ორგანული ფერმერობა არ ნიშნავს მხოლოდ სუფთა და ქიმიკატების გარეშე ბოსტნეულის მოყვანას, არამედ ეს არის სრული კომპლექსი ბუნებასთან ურთიერთობის და თანაშრომლობის.
ჩვენი მიზანი არის ნიადაგის გამოკვება, შერეული მეურნეობის პრინციპების დაცვა, ცხოველებისა და მცენარეების თანაარსებობის განვითარება და შესაბამისად ისეთი ორგანული მეურნეობის შექმნა, რომელიც გრძელვადიანად მისცემს ჩვენს საზოგადოებას ჯანსაღ და ვიტამინებით სავსე პროდუქტს.
მეტი ვიდრე ფერმა
საზოგადოება
ჩვენი ფერმის საზოგადოება აერთიანებს მრავალ გულანთებულ ადამიანს, ვისთვისაც ორგანული მეურნეობა და მისი განვითარება მნიშვენლოვანია.
ერთობლივი ძალებით ჩვენ ვქმნით მ დგრად სოფლის მეურნეობას და ვაძლიერებთ ერთმანეთს.
მოხალისეობა
ჩვენ ფერმაში ვუმასპინძლეთ 50-ზე მეტ მოხალისეს, მსოფლიოს ყველა კონტინენტიდან.
მოხალისეები ჩვენ გვეხმარებიან საქმიანობაში ჩვენ კი ვაცნობთ ჩვენი ქვეყნის და მხარის კულტურას და კერძებს. ასევე ვუზირებთ ერთმანეთს გამოცდილებებს.
საკვირაო ბაზარი
რესტორან "ეზო"-სთან თანამშრომლობით შევქმენით საკვირაო ბაზარი, სადაც ათამდე ფერმერი სთავაზობს მომხმარებელს მათ ორგანულ ბოსტნეულსა თუ სხვა ნაწარმს.
ყოველი კვირა დღე გახდა სიხარულის, ღიმილის და ერთმანეთზე ზრუნვის დღე